Mínir yndislegu bræður

    

 

          Sameiginlegt áhugamál systkina

Ómar Rafnsson, Sjöfn Rafnsdóttir og Ólafur Rafnsson, þrjú af sjö systkinum sem stunda hestamennsku. Ekki það að hin eru alltaf hjartanlega velkomin með á bak, foreldrar sem og aðrir fjölskyldumeðlimir og vinir.

Sjöfn og Gyðja

 

Gyðja og Forkur gáfu yndislegt folad, hryssu sem fékk nafnið Gæfa.

Gæfa fæddist sama dag og afi minn Gústafur í móðurætt, hefði orðið 100 ára, þann 20 júlí 2005.

Gæfa hefur það besta frá báðum foreldrum og bind ég miklar vonir við hana.

Sólarlag Stóra-Klofa

Vetrar-Sólarlag

Þetta er útsýnið hjá okkur úr stofunni í Stóra-Klofa,ekki ónýtt.

 Yndisleg íslensk náttúra og smáfuglarnir tístandi

í garðinum alsælir, með nóg að borða.

Safír undan Fork og Bliku

              

 Safír í dásamlegu vetrarveðri, snjór, logn og sól, gerist ekki betra.

Það er gott að geta klórað sér eftir að hafa velt sér í snjónum. Yndislegur 3 vetra foli undan Fork og Bliku sem verið er að frumtemja.

Hann er kominn vel á veg, búið að venja hann við beisli og hnakk og að sjálfsögðu er ég búin að prófa að ríða honum. Hann lofar góðu, vantar sko ekki kraftinn enda vel hugsað um hann.

Rúnar og Sjöfn

 

Fórum í Skagafjörðin nánar tiltekið Austurdalinn, þriggja daga reið þar sem leiðin lá um Merkigilið, stórkostlega hrikalegt hæðin um 90 metrar, örmjór stígur þræddur þverhníft niður! Vonlaust fyrir lofthrædda reiðmenn, leiðin tilbaka snöggtum verri því þá vissi maður hverju maður átti von á, en þetta hafðist!

Þessar yndislegu verur

 

                               Sól og Dáð, faðir Forkur.

Yndislegur dagur! Ronja kom í heimsókn á Eyrarbakka Sól og Dáð, nokkurra vikna, tóku vel á móti henni, héldu kannski að nýtt folald væri komið í hópinn.

Eðalhestar

                           

                                 Forkur og Sjöfn

Forkur hefur verið aðaluppistaðan í ræktun Eðalhesta síðastliðin fimm ár.

Afkvæmin undan honum eru gullfalleg, hæfileikarík og með eðalskapgerð.